Prokuroria Themelore në Gjakovë ka njoftuar se ka ngritur aktakuzë ndaj një personi të dyshuar për veprat penale “Vrasja në tentativë” dhe “Mbajtja në pronësi, kontroll ose posedim të paautorizuar të armëve”

Sipas aktakuzës, i dyshuari P.B me dashje me armë zjarri ka tentuar të privojë nga jeta këtu të dëmtuarin Gj.B, shkruan Arbresh.info.

“Sipas pikës I të dispozitivit të aktakuzës, ndër tjera cekët se i pandehuri me inicialet P.B., me datë 20.12.2024, rreth orës 09:30 minuta, rruga “D” Brekoc – Gjakovë, me dashje dhe me armë zjarri ka tentuar të privojë nga jeta këtu të dëmtuarin Gj.B, ashtu që si shkak i një mosmarrëveshje pronësorë të mëhershme, e cila mosmarrëveshje ka vazhduar edhe ditën kritike, kur i dëmtuari shkon të bisedoj më të pandehurin që të merren vesh, pasi të njëjtit takohen tek rrethoja e oborrit të pandehurit, fillimisht fjalosen dhe për një moment i pandehuri nxjerr nga brezi pistoletën e llojit Sig Sauer e kalibrit 9×19 mm, kur i dëmtuari i vëren armën të pandehurit fillon të largohet me vrap, e gjatë ikjes i pandehuri nga prona e tij, hip në themelin e rrethojës e mbi rrethojë në një distancë rreth 3 metra shtënë në drejtim të dëmtuarit, ku e godet në regjionin e poshtëm të shpinës.”, thuhet në njoftim.

Me këto veprime ka kryer veprën penale “Vrasja në tentative” nga neni 172 lidhur me nenin 28 të KPRK-së.

“Sipas pikës II të dispozitivit të aktakuzës, ndër tjera cekët se i pandehuri me inicialet P.B., ka mbajtur në posedim të paautorizuar armën, në kundërshtim me nenin 4 par.1 nën par.1.1 Ligjin mbi armët të Republikës së Kosovës.
Me këto veprime ka kryer veprën penale “Mbajtja në pronësi, kontroll ose posedim të paautorizuar të armëve” nga neni 366 par.1 të KPRK-së.”, thuhet tutje.

Prokurori i çështjes me rastin e ngritjes së aktakuzës, i ka propozuar gjykatës që të pandehurin ta shpallë fajtor dhe të dënohet sipas ligjit për veprat penale të cilat i vihen në barrë./Arbresh.info/